a proposito de libertà

libertà, libertà, libertà, va disendo el Berlusca.
Ma quando xe che se liberaremo de lù e de tute e putanae che 'l dise, questa si che la saria la vera libertà
E Casini, che se proclama el leader dei moderati e che nol capisse che co la moderassion el mondo no va avanti, ansi el tende a conservar tuto quelo che de superà ghe xe in un paese.
Co la moderassion no se combina gnente! Ghe vol 'na giusta dose de progressismo par combinar qualcossa de novo e de utile par tuti.adesso voria presentarve 'na poesia che no ga nissuna attinensa co l'argomento di cui sopra eco qua:

Voria vedar i soldai

Voria vedar i soldai
Tornar indrio festanti!
Su le so gambe!
No coi pie davanti.

Portai a spala dai commilitoni
In t’una triste sera
Dentro na bara
Co Sora la bandiera

Coraggio fioi
Che prima o poi
tornaré a casa
Dai vostri cari
Che vé speta
Ansiosi

Che vé
Riçevarà
Orgogliosi, liberi come l’aria,
Pel ben che gavé fato a tanta zente
Combatendo In oriente
‘na guera “umanitaria”???

Francesco18/05/2006

el ritorno del gransio

parchè sto titolo? la xe na vecia storia, de quando che gero toseto e 'ndavo a sciar a la domenega co i pulman de la neve e sicome che alora gro seco come 'na canocia co le gambe longhe e inbranà, come tuti i principianti, ai me amissi ghe parevo un gransio e cussì i ga cominsià a ciamarme! E sicome go trovà un disegneto grassioso, lo go ripreso nel me indirisso
E adesso, come al solito ve propino 'na me poesia

Ecce homo
Nel milenoveçentotrentanove,
Al vintidò de agosto, so rivà.
So nato:adesso no ricordo dove, In casa, in ospeal, o a la pietà
E in fin ecome qua a far el nono
Par “colpa” de mia mama e mio papà
No so parchè,voria tornar embrion,
sperando de no movarme de là
e sparagnar cussì le delusion
che, nel so corso, la vita me ga da…
anca parchè, co xe sucesso el fato,
nissuni me ga gnanca interpelà.

Francesco 26 mag.05

P.S. - sono graditi commenti dei lettori